امل حياتى رائعه من روائع ام كلثوم

أمل حياتــى

أمل حياتي يا حب غالي ما ينتهيش
يا أحلي غنوة سمعها قلبي ولا تتنسيش
خد عمري كله..بس إنها رده ..
بس إنهارده خليني أعيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

**********

أملي ..حياتي..عينيه
يا أغلى مني يا أغلي مني عليا
يا حبيب إمبارح وحبيب دلوقتى
يا حبيبي لبكره ولآخر وقتي
يا حبيبي يا حبيبي
إحكي لي وقول لى
إيه من الأماني ناقصني تانى وأنا بين إيديك
عمري ما دوقت حنان في حياتي زى حنانك
ولا حبّيت يا حبيبي حياتي إلا عشانك
وقابلت آمالي وقابلت الدنيا وقابلت الحب
أول ما قابلتك وإديتك قلبي يا حياة القلب
أكتر من الفرح ده ما أحلمش
أكتر من اللي أنا فيه ما أطلبش
بعد هنايا معاك يا حبيبي
لو راح عمري..أنا أنا أنا ماأندمش

********

وكفايا أصحي على ابتسامتك بتقول يا عين
أسمعها غنوة..أسمعها غنوة
بتقوللى حب ما ينتهيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

*********

ياللى حبك خلي كل الدنيا حب
ياللى قربك صحي عمر وصحي قلب
و إنت معايا يصعب عليا رمشة عينيه ولا حتى ثانية
يصعب عليا ليغيب جمالك ويغيب دلالك ولو شوية
قد كده مشتاق إليه قد كده ملهوف عليه

********

نفسي أنده لك بكلمه كلمه متقالتش لحد تانى
كلمه قد هواك ده كله..كلمه قد هواك ده كله
قد أشواقي وحناني
كلمه زيّك..كلمه زيّك واللي زيّك فين؟
ده إنت زيّك متخلقش اتنين
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

*********

يا حبيبي مهما طال عمري معاك
برده أيامه قليلة
السعادة والحنان اللي في هواك
مايقضيناش أجيال طويلة
حُبك يا حبيبي ملا قلبي وفكري
بينوّر ليلي ويطوّل عمري
بيزيد بيزيد في غلاوته دايماً بيزيد
وتمّلى جديد في حلاوته تملّى جديد

**********

إنت خليتني أعيش الحب وياك ألف حب
كل نظره إليك بحبك آه بحبك..بحبك من جديد
وأفضل أحبك من جديد وأفضل أحب
أنا حبيت في عينيك الدنيا كل الدنيا
حتى عوازلي أو حسادي
كل الناس حلوين في عينيه حلوين
طول ما عينيه شايفه الدنيا وإنت قصادي

**********

وأنام وأصحى على شفايفك بتقول يا عيني
أسمعها غنوة..أسمعها غنوة
بتقوللى حب ما ينتهيش ما ينتهيش
خليني جمبك خليني في حضن قلبك
وسيبني أحلم سيبني
يا ريت زماني مايصحنيش مايصحنيش

أملي ..حياتي..عينيه
يا أغلى مني يا أغلي مني عليا
يا حبيب إمبارح وحبيب دلوقتى
يا حبيبي لبكره ولآخر وقتي
يا حبيبي يا حبيبي
إحكي لي وقول لى
إيه من الأماني ناقصني تانى وأنا بين إيديك
عمري ما دوقت حنان في حياتي زى حنانك
ولا حبّيت يا حبيبي حياتي إلا عشانك
وقابلت آمالي وقابلت الدنيا وقابلت الحب
أول ما قابلتك وإديتك قلبي يا حياة القلب
أكتر من الفرح ده ما أحلمش
أكتر من اللي أنا فيه ما أطلبش
بعد هنايا معاك يا حبيبي
لو راح عمري..أنا أنا أنا ماأندمش

ايه الحجات اللى بتحركها جوانا يا عمده اغانى ام كلثوم دى مشكله
انت بجد عاشق ومش اى عاشق ام كلثوم دى للعشاق اللى متاصلين
بس يريت اعرف عشيقة العمده تبقى مين
اجمل التحيات ليك وليها بس نعرفها اموت وعرفها

هموسه يا احلا هموسه
عاوزه تعرفى السر
انا يا ستى مش بحب حد للان
انا بس بعشق ام كلثوم لان كلامها رائع
وكلام محترم والحان رائعه
مس الهلس الموجود على الساحه
مشكوووره على المرور والرد الى اكتر من رائع
لكى منى احلا واجمل تحيه

أنا حبيت في عينيك الدنيا كل الدنيا
حتى عوازلي أو حسادي
كل الناس حلوين في عينيه حلوين
طول ما عينيه شايفه الدنيا وإنت قصادي

تسلم ياعمده على ام كلثوم لانهابتقول قصائد رائعه

بس انت بتقول الهلس اللى على الساحه
هو الحب فى نظرك هلس ياعم ابو البلابل؟؟
ارجو الرد ولك اجمل تحيه

الاخت الغاليه نور
الحب احساس رائع لا احد يقدر ينكره
بس انا كلامى مش على الحب
كلامى على كلمات الاغانى الموجوده على الساحه
كلام كله هلس ومغنين هلس
لان الطرب لابد ان يكون المغنى صاحب صوت ونوهبه
ويغنى كلام لائق ومحترم
والموسيقى هادئه ومفهومه
دا كان قصدى من الهلس الى موجود على الساحه
مشششششششششششششكوره نور

معلش يابو البلابل نور مفهمتش قصدك وهيا قالتلى بعتزر
بس انا ماسكه الجهاز عنها الان
لك اجمل تحياتى على كل كلمه نطقتها ام كلثوم
لانك فعلا بتختار احلى كلام واحلى حنجره واحلى لحن

اهم شى ان الكلام عجبكو
شكرا مساعل على المرور

مشرف عدد الرسائل : 358 تاريخ التسجيل : 27/02/2009

ياسلام عليك ياعمده انت بتطربهم وتجيهم بام كلثوم
وهما فى نقاش حول الموضوع
مش يشكرو ويقولو الحمد له حد مختص بايمتعنا بام كلثوم
تسلم يدينك وبارك الله فيك
تحياتى

مشكوره نجمه
مشكوره على الرد الرائع والمرور
ومبروك الاشراف

» روائع الشعر
» قصيدة حب رائعه
» كلمات وخواطر رائعه جميله ورائعه جدا