"إنتى البنت اللي بدور عليها طول عمري ومستنيها من زمان ....."
دى أول جملة الولاد بيقولوها للبنات
فى بداية إشتغالاتهم لبعض و طبعا بيكون رد البنات "إنت فارس أحلامى اللي طول عمري بحلم بيه"
الحياة بتفضل طبيعية لمدة شهر تقريبا
فى كل مقابلة الولد بيحلق دقنه و يلمع الجزمة و يغسل سنانه و يكوى هدومه
و البنت بتسرح شعرها و تحط ميك اب وبتبقى ستيلاش على الاخر
و لكن بعد مرور الشهر إياه كل واحد بيزهق من التانى ..
الولد بيرجع للكورة و لعب البلاي ستيشن و قعدة القهوة
و البنت بترجع لصاحباتها والرغي معاها و النميمة و الفرجة على التليفزيون
و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ،
السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ،
رهو طبعا بقى بيتأخر على معاده معاها
و بيروح يلاقيها لسه ماجاتش و بينزل ضارب شعره جيل
و منعكشه و مربى ذقنه وهي بتيجى لمه شعرها و من غير ميك آب واللي جيه في ايديها لبسته..
و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه
و بعد ما كانت بتصمم إنها تشرب زي ما حايطلب
مابقتش تشرب غير قهوة سادة
زى اليوم الإسود إللى هما فيه ،
العيوب إللى كانت مستخبيه كلها ورا التمثيل بتاع أول شهر حب بتظهر
و كل واحد بيقول للتانى انه لازم يتغير علشانه لو بيحبه بعد ما كان الوالد بيقولها
إنه عارف إن مشكلته انه عصبى و هى ترد عليه:
مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب
و الدنيا بتضلم و بتتقمص شخصية منى زكى فى فيلم خالتى فرنسا
و لو بياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق
إللى قدامها و هيقولها علشان تتعودى لما نتجوز و طبعا علشان ما تحصلش إصابات
و بتضطر تاكل .
و لو إتصلت به فى وقت متأخر فى البيت يقولها إقفلى دلوقتى
عاوز أنام كلمينى بكره و لو إتصل بيها على الموبايل
تقوله مش عارفة اكلمك دلوقتي و تقفل فى وشه السكة[/color]
، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى
بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ،
المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ،
لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا
كل حاجة بتظهر على حقيقتها.
وبتتنتهى الحكايه والناس بتتعقد من الحب وسيرته
الجمعة يونيو 14, 2013 9:40 am من طرف m0de
Ahlamontada 
