عبر عما بداخلك

السلام عليكم ورحمة الله وبركاته
اخوانى الافاضل
خطرت ببالى فكره وهيه مستعمله قديما بان يمسك احدنا القلم ويشخبط شخبطه
الى ان يرسى به الحال اما لرسم شيئ معين او لكتابه شيئ بداخله
فمع التكرار شق طريق كل واحد منهم الى ان يكون هذا رسام والاخر كاتب
طبعا كاتب ممكن ان يكون بالاتجاه الذىيجد نفسه به بان يكون قصصى او شاعر اوصحفى الخ
المهم انى عاوزه من الاعضاء الافاضل ان كل واحد يمسك الكيبورد ويشخمط به
ما بداخله لنتعرف على كل منا بماذا يتجه فكره وللتعرف على بعض اكتر
اتمنا تعجبكم الفكره وكل يعبر عما بداخله
ولكم تحياتى

عدد الرسائل : 758 تاريخ التسجيل : 08/01/2010

الله عليكى يااسمااسم قلم رصااااص وكلام من دة وحركاات هههههههههههههههههههه حمدل على السلامة يااقمر
موضوع جميل يااسمسم يااريت الكل يشاارك

طيب يميدو اذا احد فهم العبه يبداها وحنا نكمل
تحياتى سمسمه

حبيبتى ام السمسم كلويعنى انا كان كل امنيتى متعلقه بمرجيحه
علشان كده شقيت طريقى فى المراجيح ولسه وحياتك بتمرجح لغاية دلوقت
يسلمو ياحبيكا موضوع يجنن
اجمل تحياتى

الاخ ميدو والاخت منايا والاخت همسه
منورين الموضوع اوى بس حاسه ان الباقى خيفين منو ليه
ده موضوع بيعمل تقارب بين الاعضاء وحنا كلنا حبايب وصحاب
يارب مزيد من التفاعل
اجمل تحياتى

بصي يا سماسم انا ح امسك القلم واشخبط شوية بس بدون تفاصيل

انا محتار جدا جدا جدا
وحموت م الغيظ من نفسي
علشان كل ما اخطط لحاجة مهمة اعملها يطلعلي مليون عفريت يشتتوا انتباهي عنها بعد ما اكون بدأت أو على وشك البداية واقوم انشغل عنها والتفت لحاجة تانية
ومع الزمن تجمعت مجموعة كبيرة جدا من الحجات المهمة اللي عاوز اعملها بس ما اقدرش اعملها كلها علشان الوقت مستحيل يكفي لكل الحجات
ومش عارف اختار منها إيه واسيب إيه
بالإضافة إلى إني لقيت نفسي مرتبط بحجات تانية كتير غير الحجات اللي انا عاوز اعملها (يعني حجات مفروضة عليا فرض) وواخدة جزء كبير جدا من وقتي اللي انا المفروض اخصصه للحجات اللي انا عاوز اعملها مش اللي مفروضة عليا فرض
في ناس تقوللي لو انت فعلا عاوز تعمل الحجات اللي انت عاوزها مش المفروضة عليك فرض فلازم تتخذ قرار بوقف كل الحجات التانية اللي انت مش عاوزها وفكر في نفسك وبس وانت عاوز ايه مش الناس عاوزة منك إيه
الكلام ده مزيوط بس عاوز كمية انانية كبيرة جدا وكمية نذالة أكبر منها
وللأسف الناس اللي يعرفوني كويس يعرفوا إني لا عندي كمية الأنانية ولا النذالة المطلوبة علشان اهرب من التزاماتي مع الناس اللي حطت ثقتها فيا

يعني مثال صغير خااااالص للحجات دي
الجامعة مثلا
انا بقالي حوالي 14 سنة نفسي ارجع الجامعة آخد شهادة الدكتوراة وكل سنة أقول السنة الجاية واللي بعدها أقول بس اما اخلص الحاجة اللي في إيدي دي وهكذا لمدة 14 سنة وإلى الآن ما سجلتش في برنامج الدكتوراة ويا عالم ربنا كاتبهالي والا لأ
دي بس حاجة وحدة من الحجات اللي مش قادر اعملها وغيرها كتير جدا

تحياتي وودي

» عبر عن اللي بداخلك بكلمه