ازيكو يا عفريت؟

ازيكو يا أشقيا؟
وحشتوني موووووووت
معلش انا الفترة اللي فاتت كان عندي مجموعة حجات هية كل وحدة لوحدها هايفه بس اما ييجو مع بعض بياخدو وقت الواحد كله
عموما انا رجعتلكو الحمد لله
وحرجع اقرفكو من تاني ههههههههاااااااااااااا
طبعا انا كانت بتوصلني رسائل كل الناس اللي كانت بتسأل عني
وبشكرهم جميعا كل واحد بإسمه من غير ذكر أسماء
وسعيد جدا جدا إني خلصت شوية الحجات اللي كانت عندي (تقريبا) ورجعت لأحلى منتدى في الدنيا
تحياتي وودي للجميع

حمدل على السلامة فينك ياااهوبا ازيك واخباارك اية ان شااء الله تكون بخير وسلامة ولا يهميك يااباشا اهم حااجة انيك رجعت بالسلامة وتفضل معنا على طول ان شااء اللة فى بيتنا التاانى لولولولولولولولولولولولولولولولولول وادى زغرووووطة حلوة رجوووعك تحيااتى لك

أولا ألف شكر ليكو جميعا وربنا يخلينا صحاب على طول
-عم ميدو ازيك يا حبيب قلبي؟ وحشتني والله
عقبال ما نجاملك يوم فرحك إن شاء الله
-العمدة كبير المنتدى وحبيب الشعب
والله واحشني يا راجل
انا سعيد جدا جدا جدا ان انت رجعتلنا بالسلامة ويا رب ما تغبش عنا تاني احسن المنتدى كان ناقصو حاجة كبيرة قوي من غيرك
وبعدين أيوا طبعا احنا متفقين!!!
فاكر لما قلتلك حتعمل انت كذا وبعدين انا حعمل مش عارف إيه؟
بس في ناس أذكياء فعلا كشفو الملعوب بتاعنا
ههههههههاااااااااااااااااااااااااا
-ست البنات نونا اللي منورة المنتدى ويا رب تفضل منوراه على طول
والله ديما بنسأل عنك وعن أي حد بيغيب عن المنتدى
وبعدين ايش جاب لجاب
انا راجل مكحكح وبكرش واقرع واكيد في ناس كتير ما تصدق تخلص مني
وانتي اكيد زي القمر والعرسان تتمنى رضاكي
بس هي الحكاية ان انا كنت باجي المنتدى يوميا ومشاركاتي كتيرة جدا وفجأة زادت عليا المسئوليات جامد ف معدتش اقدر اخش المنتدى خالص ولا أي حته تانية في النت
ف الناس طبعا بدأت تتسائل وبعد شوية بدأت تطلع إشاعات مالهاش أصل خالص
ف اضطريت اني ارجع عشان اقول للنا ان مافيش حاجة ابدا
دا هية بس شوية مشاغل وتروح لحالها قريبا جدا بإذن الله
-أستاذتنا جميعا الأدمن
أود أن أكرر للمرة الألف أنه لي عظيم الشرف بالنتماء لهذا المنتدى الجميل
وقد أحزنني فعلا عدم استطاعتي المشاركة خلال الفترة الماضية ولكن الأمور تقريبا على ما يرام الآن
-نور الشمس اللي منورة المنتدى الجميل دا من قبل ما يكون فيه لا إيهاب ولا نيله
ازيك يا بت؟
والله ولا مستني ردود ولا غيرو بس بعد ما فقت شوية من اللخمة اللي كانت عندي اكتشفت ان فيه حجات كتيرة متأخرة عندى في الشغل والحسابات والضرائب واللزي منو
فكان لازم أحاول أخلصها بسرعة قبل ما اروح في داهية
أصل كلو كوم واللعب مع الحكومة في حكاية الضرايب كوم تاني
وعلى فكرة
انا بعد كام ساعة عندي سفرية صغيرة كدا يومين مش أكتر
وبإذن الله تلاقوني هنا يوم الاثنين قاعلكو زي قرد قطع إذا كان لينا عمر

وبعدين انا بصراحة خايف من الرجوع علشان عارف إني لازم الجع ادور في المنتدى على كل اللي اتكتب في الشهرين اللي فاتو دول وارد عليه يعني عاوزلي بتاع شهر كدا لغاية ما كل حاجة ترجع زي ما كانت

إللا من حق
أخبار البت همسة إية والبت أحلا بنوته وسمسمة ومشاعل
يا رب يكون الجميع بخير
واشوفكو يوم الثنين على خير إن شاء الله
تحياتي وودي للجميع

شكرا جزيلا لكما أختاي العزيزتان مشاعل و حسناء على مشاعركما الطيبة وزي ما بيقولوا في مصر
ربنا يديم المعروف
تحياتي وودي