غصب عنِك

طلب مني أحد الإخوة إكمال بيتين من الشعر باللهجة المصرية
فكانت هذه القصيدة بعد إعادة صياغة البيتين


غصب عنك

باللهجة المصرية




غصب عنك مش بئيدك*** لو رفضتي او رضيتي

حبي يجري جوا دمك*** رغم عنك لو قسيتي

لو تقولي الشوق بيدك*** خطوتك تخدك لبيتي

لو دريتي النار في قلبك*** تفضحك دمعه نسيتي



ايوا لسه القلب عبدك*** لسه عبدك بين اديكي

والعهود اللي عاهدتك*** والله صاينها اليكي

فاكره يوم ما كنت جنبك*** تلمع النجمه فعنيكي

ليه قتلتي الحلم بعدك*** سامعه جرحي بيناديكي



فيها ايه لو صنتي وعدك*** لا بكت عيني وبكيتي

حلمي طول العمر سعدك*** عيد حياتي يوم ما جيتي

يللا طفي جمر بعدك*** عيشي حلم انتي بنيتي

جددي يا اميره ودك*** كملي مشوار بديتي



ايهاب فخري

4/10/07

كولومبوس

غصب عنك مش بئيدك*** لو رفضتي او رضيتي

حبي يجري جوا دمك*** رغم عنك لو قسيتي

لو تقولي الشوق بيدك*** خطوتك تخدك لبيتي

لو دريتي النار في قلبك*** تفضحك دمعه نسيتي

الاخ ايهاب
دست على الجرح جامد
عموما انا اريتها اكثر من 5 مرات
وفكرتنى باجمل ايام حياتى
التى لا ولم انساها ابدا
لانها حفرت فى قلبى بدمى
مشكور يا غالى
ولك تحياتى