في مكان واحد وارض واحده

فى مكان واحد والارض واحدة
انا وانت وناس تانية
شوفتك وشوفتنى
حسيت بيك وحستنى
بصيت فى عنيا ...داريتهم
بصيت فى عنيك ...خبيتهم
طب ليه يا قلبى العذاب
تحرمنى حتى من النظرة
دا هو الى مصبرنى
بس ازاى هنتكلم
ازاى هنسلم
ازاى هننسى الى فات
وجراح الزمان
ازاى احبك وانت مش معايا
ازااى احسك وانت مش ويايا
بصتلى وبصيتلك
ضحكتلى عنيك ...ضحكتلها
بس يدوبك ثوانى ولقيتك بعدت
جيت اقرب لقيت اسوار
حاولت اكلمك لقيتك مشيت
رجعت تانى لحزنى القديم
ولما بصيتلك حسيت انك حزين
يا ترى حزنى هو حزنك
ولا النفوس اتغيرت
سبتك تمشى منغير منسلم
سبتك واانا عارفة اننا مش هنتكلم
مقدرتش اودعك ولا اقولك سلام
اتمنيت اشوفك تانى قدام
ولما لمحتك من بعيد
لقيتك بصيت وفى عنيك كلام
يا ترى شوفت كلام عيونى
ولا زى العادة ملاحظتش وجودى