الموضوع عبارة عن شعر باللهجة الصعيدي
من اعمال واحد بلدياتنا اسمو ?????? بعدين نفتكر
ونبتدي مع اول الكلام واصل
اهنية كان عايز يدلي علي مصر هربان من حب فاشل
انخدع فية وخانتة حبيبتة واتجوزت واحد غيرو
فدار حوار مع امايتة لكن كان حوار زين صوح
تعالو نشوف جالو اية عاد
************************************************** ****
حزميلي الشنط يامايا
صوت الجدم بيصرخ جوايا
صوت النحيب سكت غنايا
صوت الرحيل أصبح حكايا
حكاية و لازم تتحكي علينا
زمن جاسي يامايا وعيغدر بينا
امشي النهاردة يمكن يناديني
صوت الحنين يامايا وارجع وتشوفيني
ارجع جبل الدموع ما تعمي عيني
جبل ما تمشي انتي يا مايا وتفوتيني
صوت الرحيل يامايا بيناديني
ارجوكي يامايا بلاش تحضنيني
خليني امشي من سكات
جايز بكرا انسي اللي فات
انساكي يامايا وانسي الحنين
وانسي ذكرى واعرة بين السنين
انسي حضنك وانسي انا مين
انسي اخويا واختي وأفضل حزين
انسي الخاينة ودبلة خطوبة مهزومين
وانسي ضحكة عيونها الغدارين
انسي نفسي وانسي اسمي انساكي
نفسي انسي وانسي اني كنت وياكي
انسي بكرا انسي النواح ع الوجوة العكرة
واجتل امبارح وبكرا عيجيب معاة فكرة
وتنسيني واتمني اكون انا اللي اتنسيت
وابجي ذكرى جوة صورة في البيت
صورة ومتعلجة بالخيط ع الحيط
ابجي رمز للوداع والضياع
وابجي عند كل ابنتها رمز الخداع
وتجول دة كان وكان
وفي لحظة باع الحنان
سابني في بحور غرجان
واعلج جلوبهم بحبال دايبة من زمان
واموت الفرحة جواتهم لاجل ادوج الامان
واسهر عيونهم بكيانة تجول ياشهاب جبان
وينك يا جاسي الجلب يا سارج منتاش انسان
عتنتجم منينا واصل ولا من حبيب خان
وارجعلك من تاني يامايا تضميني
وجعك يامايا علي عيني صدجيني
ما انتي عمري ونور سنيني
خلصيني يامايا ولا ناوية تعطليني
لازم ارحل غصب عني اعذريني
مالك يامايا ساكتة لية ؟
عارفك حزنانة ع اللي تعبتي فية
كفياكي دموع وارحميني
ومتجوليش بكرا عتكرهيني
صوت الرحيل يامايا بيناديني
ومعدشي ينفع حتي تعذييني
ولو كان في عمري بجية
اكيد ع بابك عتلاجيني
واجف بخبط ورايدك تفتحيلي
فحضنك يامايا واصرخ أحضنيني
يا رب تعجبكوووووووو
عشان نكمل الباجي