غير اسم العضو اللى بتحب

لا إله إللا الله محمدا رسول الله
دي ليلة أيه السودة دي
هو ما فيش أسبوع يوحد الله يمر من غير خناق؟

يا ست همسة
يا ست الكل
أولا وقبل كل شيء أنا شايف أن نجوم الليل غلطان غلط كبير كمان
ما كانش يصح يعمل اللي عمله
وحقك علينا كلنا يا أحلى همسة
واللي تطلبيه إحنا كلنا وانا أولهم مستعدين
بس روقي دمك شوية
يعني هو غلط تقومي انت تقولي لا رمضان ولا شعبان ما اعرفش الكلام دة؟
طب ربنا مالو ومال الموضوع ده؟
ثانيا مع إني أنا بغلّط نجوم الليل على اللي عمله لكن يا ريت لو يشرفنا هنا ويرد أو يدافع عن نفسة لو يقدر أو على الأقل يعتذر علشان يخلص الموضوع ده
وثالثا أنا بوافق أخي أبو البلابل في رأيه إنها كانت محاولة نكتة ولكنها طلعت نكتة بيخة ومالهاش طعم وميصحش تتقال
ولو كان دا فعلا كل اللي حصل يعني مافيش قصد إساءة شخصية
يعني نجوم الليل مش إتهجم عليكي اكمنه بيكرهك لا سمح الله
إنما حب يهزر بس هزار بايخ هو ما كانش يقصدة
فا انا مش شايف داعي يعني لتكبير الموضوع وكأنه قاعد يتربصلك من زمان بس عشان يقول الكلمتين اللي هو قالهم
ورابعا وهو الأهم
أنا شايف انو نبطل نلعب اللعبة دي علشان مافيش حد عاجبة الإسم اللي بيدهولو أي حد
يعني انا من كام يوم باددي الأدمن إسم أم كلثوم قام فسرت الكلام على معنى تاني خااااالص ما كانش على بالي ولا 1% وخدت على خاطرها
وأخي وحبيبي أبو البلابل كمان حسيت انه اتقمص شوية من إسم شعبان عبد الرحيم هههههههاااااااا
طبعا المثالين دول أقل بكثير من فيفي عبده بس القصد أنه دايما في ناس زعلانه لسبب أو لآخر من الإسم فياريت نبطلها وخلاص
أو كل ما ييجي رقم 5 عند حد غيرو في إسمي انا تملي كدا على طول وعهد عليا ما حزعل من حد ولا أقوله تلت التلاته كام لو سماني شارون حتى
أنا مش عاوز أطول كتير في الكلام علشان أنا شايف إنه ما يستهلش كل ده وتانيا لأني فعلا زهقت من خناقاتكم إللى ليها أول ومالهاش آخر
إيه إللى عاوزة تاري وهاتولي حقي وانا اعرف أخود حقي بدراعي؟ يعني لو شتمتي أمه حترتاحي؟ كدة تكوني خدتي حقك؟

بسم الله الرحمن الرحيم (وَالَّذِينَ هُمْ عَنِ اللَّغْوِ مُعْرِضُونَ)
(وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ
سَلامٌ عَلَيْكُمْ لا نَبْتَغِي الْجَاهِلِينَ)
(وَإِذَا خَاطَبَهُمُ الْجَاهِلُونَ قَالُوا سَلاماً) صدق الله العظيم
تحياتي وودي