موضوع: رخامه × رخامه الأحد فبراير 22, 2009 9:45 pm
الاول يا جماعه ازيك عاملين ايه يا رب تكونو بخير اللي بيعاني من أي اضطرابات في ضغط الدم سواء كان ارتفاع أو انخفاض فمن مصلحته انه يفوت الصفحات دي وبلاش يشيلني ذنبه لو جراله حاجه الواحد مش ناقص وقد أعذر من أنذر .
يلا مع الرخامه
صخره وقعت من فوق عماره ولوح الازاز اللي تحتها ما اتكسرش - ليه ؟ علشان ما وقعتش عليه - طب فرخه بتعدي في الشارع وماتت فجأة – ليه ؟ الصخرة وقعت عليها - ليه الصعيدي بيحط جنبه كبايه شاي وهو نايم ؟ علشان الشاي منبه - طب وليه بيحط جنب كبايه الشاي فنجان قهوه ؟ علشان لو الشاي ما رنش - وليه بيحط جانبه كبايه ميه فاضيه وكبايه مليانه ؟ عشان ممكن يشرب وممكن ما يشربش - وليه بيحط ملح علي راسه ؟ علشان يبقي حدق - وليه بيحط سكر علي الكرسي قبل ما يقعد ؟ علشان تبقي قعدته حلوه - حاجه طايره في السما وبتقول نياو – ايه هي ؟ قطه بيضاء مضروبه بالشلوت - طب حاجه سوده طايره في السما وبتقول نياو – ايه هي ؟ غراب بيستهبل - واحد شرب بنزين راح جري علي المستشفي ولما وصل المستشفي وقع علي الباب ليه ؟ البنزين خلص - طب حاجه بني طايره في السما وما بتقولش حاجه ؟ فرده الجذمه بتاعه الراجل اللي ضرب القطه البيضاء - طب حاجه سوده طايره في السما وما بتقولش حاجه – ايه هي ؟ غراب عاقل وما بيحبش الاستهبال - حاجه زرقاء طايره في السما – ايه هي ؟ دبانه لابسه بنطلون جينز - طب حاجه سوده وفيها خط أحمر وطايره في السما من الشرق للغرب – ايه هي ؟ دبانه لابسه فستان سواريه وحاطه روج ورايحه فرح واحده صاحبتها - طب حاجه سوده وفيها خط أحمر وطايره في السما من الغرب للشرق – ايه هي ؟ نفس الدبانه نسيت حاجه في البيت فرجعت تجيبها - حاجه سوده ماشيه في الصحراء – ايه هي ؟ سرب نمل رايح يعزي - نقطه سوده علي الحيطه – ايه هي ؟ دبانه - طب نقطتين سود علي الحيطه تبقي ايه ؟ فيشه - طب 3 نقط سود علي الحيطه تبقي ايه ؟ دبانه وفيشه - طب 54 نقطه سوده علي الحيطه تبقي ايه ؟ يبقي البياض بيقشر - حاجه رفيعه وطويله ولونها ابيض – ايه هي ؟ فتله بيضاء - طب حاجه رفيعه وطويله ولونها اسود – ايه هي ؟ خيال الفتله البيضاء - ليه النمله بتقعد جنب البحر وهي بتقرأ ؟ علشان تبل ايدها كل ما تيجي تقلب الصفحه - وليه ما بتاخدش الفيل قصادها علي العجله ؟ علشان بيقعد يلعب في الجرس - وليه ما بينزلوش البحر في وقت واحد ؟ علشان ما فيش معاهم غير مايوه واحد - وليه النمله ما بتنامش جنبه ؟ علشان الشيطان شاطر - ازاي نحط فيل في ازازه ؟ نزقه وهو بيشرب - وازاي نحط فيلين في ازازه من غير ما يلمسوا بعض ؟ نحط بينهم فيل تالت - ازاي نعدي الفيل من خرم الابره ؟ نزحلقه علي الفتله بس لازم الاول نفك العقده اللي في ديله - ازاي نصطاد الفيل الاحمر ؟ نصطاده ببندقيه الفيل الاحمر - طب ازاي نصطاد الفيل الاخضر ؟ نستناه لما يستوي وبعدين نصطاده ببندقيه الفيل الاحمر - ازاي نصطاد الفيل الازرق ؟ نكسفه - وشه يحمر - نقوم نصطاده ببندقيه الفيل الاحمر - ازاي نقعد 4 فيله في عربيه فولكس ؟ نقعد 2 ورا و 2 قدام - طب ومين اللي يسوق فيهم ؟ اللي معاه رخصه - طب ازاي نقعد 8 فيله في عربيه مرسيدس ؟ نبيع المرسيدس ونشتري عربيتين فولكس ونقعد في كل عربيه 2 ورا و2 قدام - دكتور اتجوز محاميه خلفوا ولد يسموه ايه ؟ أحمد علي اسم جده - ليه القطنه مش هتدخل النار ؟ علشان مدام نظيفه قالت القطنه ما بتكدبش ليه الموسه ما راحتش ميعاد الموس ؟ علشان كانت ناسيت - طب ليه ما راحتش الميعاد اللي بعده ؟ علشان كانت ناسيت تو ايه الحاجه اللي بتطفو فوق سطح الميه وأول حرف منها ح ؟ حته خشبه ايه الحاجه اللي بتطفو فوق سطح الميه وأول حرف منها ب ؟ برضه حته خشبه - ايه الحاجه اللي بتطفو فوق سطح الميه وأول حرف منها ن ؟ نفس حته الخشبه - ايه الحاجه اللي بتطفو فوق سطح الميه وأول حرف منها هــ ؟ هي هي حته الخشبه - ايه الحاجه اللي بتطفو فوق سطح الميه وأول حرف منها أ ؟ انت ما بتتعلمش ؟ ما قلت لك حته الخشبه
Admin Admin
عدد الرسائل : 292 متفائل : باذن الله تاريخ التسجيل : 11/01/2009
موضوع: رد: رخامه × رخامه الإثنين فبراير 23, 2009 2:43 am
هلا فيك اخوى محمد نورت المنتدى بموضوعك الحلو رخامه اشوى ما عندناش ضغط طالع ولا نازل والحمد لله انو ماجاش على يدك نورت منتدانا اللى هو منتداك من يوم ماسجلت فيه حياك بين اخوانك
همسه مساعد رئيس اشراف
عدد الرسائل : 687 تاريخ التسجيل : 19/01/2009
موضوع: رد: رخامه × رخامه الإثنين فبراير 23, 2009 4:51 am
ايه ده ياكيكو كل دى رخامه وتقلى عاوز معرفش ايه طيب بطل بقا وبعدين قول معرفش ايه ههههههههههههههههههههههههههههههههههههههههههههههه هموت من الضحك والغيض فى نفس الوقت موضوع جميل ويفرس بنفس الوقت تحيه صغيره ليك على اد طول الموضوع بتاعك ههههههههههههههههههههه يخرب عقلك
الجمعة يونيو 14, 2013 9:40 am من طرف m0de
Ahlamontada 
