ادخل قولنا هتعمل ايه فى الموقف ده بس بصراحه

انا جبت النهارده موضوع يا رب يعجبكم
الموضوع باختصار كده
يعني هنزل مواقف ممكن تقابلنا او نتحط فيها في حياتنا العاديه ... و هشرح كل ظروفها ... و مطلوب من كل واحد يدخل يحط نفسه مكان بطل الموقف و يقولي بكل صراحه ماذا تفعل لو كنت .... مكانه

معندكوش فكره الموضوع ده قد ايه مفيد .. ان عندك فرصه تفكر في موقف صعب و معقد و انت بعيد و قاعد و اعصابك هاديه .. ده غير انك هتشوف اراء مختلفه و منها اللي هيكون جميل جدا ... و هتلاقي ده انعكس عليك و في تفاعلك مع اي موقف مفاجئ تتحط فيه لان عقلك ببساطه هيستدعي رد الفعل المناسب من الحصيله اللي هيخزنها من متابعتك للموضوع ده ...
يلا بينا جاهزين

الموقف1

حضرتك ماشي علي الكورنيش مبسوط و منشكح اوي ... و بتصفر لحن احدث اغاني تامر حسني ... باصص للنيل و لسه ناوي تسرح في قصه حب رهيبه هي صحيح محصلتش لكن اكيد هتحصل ولا هما يعني البنات انطسوا في نظرهم


فجأه سمعت بنت بتصرخ .. بتضرب بعينك _ و دي اقصي حاجه هتعرف تضرب بيها في الليله دي _ لقيت شاب زي الحيطه وشه ملغبط و مليان شلفطه تدل علي تاريخه المنيل ... لقيت الشاب ده بيخطف شنطه البنيه و طالع يجري ناحيتك ...


و في ثانيه عقلك اشتغل ...
انا لو اتعرضت للثور ده ممكن اجيب الشنطه للبنيه .. بس طبعا هاخدي بوكسين حلوين


ولا اعمل نفسي مش واخد بالي مانا برضه يمكن اخد البوكسين علي الفاضي و يبقي منابنيش غير شويه البن اللي هحطه تحت عيني


يا تري بقي يا بطل ... لو انت في الموقف ده هتعمل ايه ؟؟؟


يلا فكرو وردو على المشكله دى على ما اشوف موقف تانى يكون اجمد من ده

يارب الموضوع يعجبكم و تابعوووه
تحيااتى

هههههههه الله لايحطني بهيك مواقف مـــــيـــــــدو
بس انا حعمل حالي مش شايفه حاجه احسن
عشان الدنيا بتخوف صارت مــــيــدو
ممكن يكونو متفقين وروح انا فيها لالا خلك بعيد عن المشاكل تسلم
تـــــــــــــــــــســـــــــــــــــلـــــــــم مــــــــــــــــيــــــــــدو